نكت جديده

واحد بلدينا ماشي ع الرصيف
شاف واحد سأله: هو فين الرصيف الثاني؟
رد عليه: الناحية الثانية
بلدينا قال: حاجة تدوخ!! ... والله أنا سألت الناحية الثانية قالو لي هنا!!
جات صحفيه تعمل لقاء صحفى مع واحد من ملاّك الأبقار
الصحفية : أنت بتأكل البقر إيه ؟
المزارع : انهي فيهم البيضا ولا الحمرا ؟؟
قالت : البيضا
قال : البيضا بأكلها برسيم
قالت : والحمرا
قال : و الحمرا برضو برسيم
قالت : طيب بتسكنهم فين؟
قال : انهي فيهم البيضا ولا الحمرا؟؟
قالت : البيضا
قال : البيضا بسكنها في الحوش الي هناك
قالت : والحمرا
قال : و الحمرا برضو بسكنها في الحوش نفسه
قالت : طيب لما بتفسحهم بتعملهم إيه ؟
قال : انهي فيهم البيضا ولا الحمرا ؟؟
قالت : البيضااااااااااااا
قال : البيضا بلف بيها حول الترعه لفتين
قالت : والحمرا
قال : و الحمرا برضو بلف بيها حول الترعه لفتين
قالت : انتا ليه كل مره اسئلك بتقولي انهو فيهم انهو فيهم
وفي الاخر بتعاملهم زي بعض؟
قال : اصلو البقره البيضا بتاعتي
قالت : والحمرا؟؟
قال : والحمرا برضو بتاعتي*. واحد صعيدي حب ينتحر من الدور العاشر رمى نفسه من الخامس مرتين
صعيدي دايخ في كل محلات الموبايل ومش لاقي طلبه وراح شركة نوكيا برضه مش لاقي طلبه علشان عايز موبايل بقرص
************ ***
واحد بلدياتي بعت لامه علبة كبريت
قالتله مش شغالة
قالها ازاي انا مجربهم واحد واحد
جماعة بلدياتي قاعدين ف خيمة وعاوزين يولعوا عشان يطبخوا
بعتوا واحد يجيب كبريت
خرج من باب الخيمة ودخل من الباب اللي ورا
قالهم عندكوا كبريت
قالولوا اقعد بعتنا نجيب
واحد بلدياتنا بخيل دبح خروف
عمل اللحم كباب حلة
والراس شوربة
والرجول كوارع
ومخلفات المعدة سماد للزرع
والعظم طحنه علف للدواجن
حتي صوت الخروف
سجله قبل الدبح وعمله رنة للموبايل
************ *********
بلدياتي بخيل راح يزور امه ف المستشفي
لقي الباب مكتوب عليه ادفع
قال ربنا يقومك بالسلامة يا امى
اجيلك لما ترجعي البيت ان شاء الله بالسلامة
واحد صعيدى تايه فى الصحراء طلع له المصباح قاله أأمر ليك امنيتين قاله انا هاموت من الجوع هاتلى طبق كشرى كبييييييييير بعد ما أكل قاله ايه الطلب التانى قاله واحد كماله
صعيدي دخل بالغلط متحف للفن الحديث توقف عند احد اللوحات وسأل أحد المنظمين جنبه ايه الشكل المرعب ده، هو ده الفن اللي بتسموه حديث؟ رد المنظم : دى مراية يا أستاذ
تحطمت طائرة صغيرة تتسع لراكبين فقط فوق احد المقابر بالصعيد اخوانا الصعايدة انتشلوا 500 جثة وما زال الحفر مستمراً
صعيدي قاعد يكتب نكت علي نفسه وهو مفكر نفسه من اسكندرية
صعيدي مسكوه مع شبكه إرهابيه قالوله إيه آخر عمليه عملتها .... قال لهم اللوز
مرة واحد مسطول مروح البيت وبقالو ساعة مش عارف يفتح الباب مراتة من البلكونة بتقولو ارميلك المفتاح قالها لا المفتاح معاية ارميلى خرم الباب
واحد صعيدى لما بينزل البحر فى الشتاء بيلبس مايوة صوف
واحد غبي طلق زوجته رجع البيت قالها انتي زعلتي
قرد بص فى المرايا. وجد ودانه مقطوعه تنهد وقال صحيح الحلو مايكملش
مجنون دخل مستشفى المجانين لاقاهم بيتنططوا وبيقولوا احنا الفشار احنا الفشار بص لقى واحد قاعد ساكت قاله انت ليه ساكت فرد عليه المجنون وقاله انا لازق فى الحله
واحد راح مطعم في فرنسا.كان عايز يطلب شوربه قال للجرسون(جارسوه عايز واحد شوربوه) فالجرسون قاله باردون؟ قال الراجل لا سخنوه
صعيدى ضرب صاحبه على قفاه ساله بجد ده ولا هزارقاله جدقال له آه أصل مش بحب الهزار
واحد فيلسوف وواحد أمي
راحوا رحله ترفيهية فى الغابه
وبعد ما وصلوا الى بقعه جميله...
أعدوا خيمتهم وتناولو العشاء وتسامروا
ثم ذهبوا للخيمه للنوم
وبعد منتصف الليل... ايقظ الامي صديقه الفيلسوف
وقال له: انظر الى الاعلى وقل لى ماذا ترى؟
فقال الفيلسوف: أرى ملايين النجوم
فسأله: وماذا تكتشف من هذا؟
ففكر الفيلسوف قليلا وقال:
لو قلنا فلكيا ، فهذا يدلنا على وجود مئات وملايين الكواكب والمجرات
اما بالنسبه للوقت فتقريبا الساعه الان قبل الثالثه صباحا بدقائق،
وبالنسبه للجو....فأظن ان الجو سيكون صحوا وجميلا غدآ
ثم أخيرآ فإن الله سبحانه وتعالى يرينا قدرته ، وكم نحن ضعفاء وتافهين بالنسبه لهذا الكون العظيم
لكن قولى انت: على ماذا يدلك هذا المنظر..
فقال الامي :الخيمة اتسرقت